Pastroni dhëmbët më pastë flourid dy herë në ditë nëse nuk i pastroni mirë. Kontribon për mishin e dhëmbit dhe prishjen e dhëmbit. Pastrimi i dhëmbëve ndalon ndërtimin e stemës. Mundohuni të pastroni çdo sipërfaqe në të gjithë dhëmbët tuaj.
Një higjienë të mirë orale dhe vizitat e rregullta te dentisti do të ju ndihmojnë të keni dhëmbët dhe mishërat e dhëmbëve të shëndetshëm.
Këtu kemi disa këshilla se si të kujdeseni për dhëmbët tuaj:
Pastroni dhëmbët dy herë në ditë. Koha më e përshtatshmë për të pastruar dhëmbët është pas ushqimit. Zgjidh një brushë me kokë të vogël që të keni mundësi t’i pastroni dhëmbët edhe mbrapa. Brushat e buta janë më të mira për mishërat e dhëmbëve.
Është e rëndësishme që t’i pastrojmë dhëmbët pas ngrënies së mëngjesit, drekës dhe darkës. Dhëmbët e pigmentuar apo të diskoloruar janë të zakonshëm tek njerëzit e moshave të ndryshme, dhe kjo vjen si pasojë nga shkaktarët e ndryshëm, siç janë: Kafeja, duhani, çaji dhe disa lloje të medikamenteve. Por, a e keni ditur se edhe veshjet, bizhuteritë dhe ngjyra e trupit tuaj janë ato që theksojnë dhëmbët tuaj.
Në këtë artikull kemi përmbledhur disa këshilla se si të theksoni dhëmbët tuaj të bardhë:
Të gjithë e dimë se Coca Cola është e rrezikshme për shëndetin tonë, por prap se prap vazhdojmë të konsumojmë nga dy apo më shumë kanaçe në ditë.
A e dini sa lugë sheqer përmban Coca Cola në kanaçe? Apo çfarë dëmi mund të ju shkaktojë në shëndetin tuaj? Çfarë mund të ju ndodh dhëmbëve tuaj?
Këtu kemi disa të dhëna që do të ju lënë të habitur:
Sheqeri
Një Coca Cola përmban sheqer më shumë se 9 lugë të çajit. Bakteriet të cilat jetojnë në gojën tonë hajnë sheqer, dhe si rezultat prodhojnë acid. Ky acid pastaj fillon të zgjerohet në të gjitha pjesët ku gjendet kolona e bakterieve, duke ju lejuar që bakteriet të lëvizin në zonat e gërryera dhe përfundimisht çon deri te dëmtimi i dhëmbëve. Koha që kalon derisa përfundoni pirjen e lëngut mund të rritë dhe të zvogëlon dëmtimin e dhëmbëve. I duhet vetëm 20 sekonda që bakteria të prodhojë acid por efekti i saj mund të zgjatë 30 minuta.
Acidi
Erozioni dentar është një lloj i prishjes së dhëmbëve që rezulton më nga kontakti i lëngut acidik me dhëmbët tuaj. Pijet e freskta sikur Coca Cola dhe Coca Cola Dietike përmbajnë acidin fosforik, acid i cili përdoret në pastruesit industrial. Erozioni nga acidi fosforik i bën efekt të tërë dhëmbit, ndryshe nga erozioni i lokalizuar që të çon drejt dëmtimit të dhëmbëve. Bashkë me acidin e formuar nga bakteriet, Coca Cola bënë kërcënim të dyfishtë te smalti i dhëmbëve. Simptomat e eriozionit dentar mund të përfshijnë: ndjeshmëri, dhimbje, transparencë, plasaritje etj.
Ngjyra
Ngjyra “Carmel” është përdorur për të i dhënë ngjyrën e kaftë të mbylltë Coca Colës, por zakonisht nuk vendoset për t’i dhënë shije pijes. Ngjyrosja me “Carmel” kontribon në zverdhjen e dhëmbëve tuaj dhe me dobësimin e smaltit të dhëmbëve e bën më të lehtë që dhëmbët tuaj të njollosen. Dhëmbët e verdhë janë të shëmtuar por nuk kanë ndonjë efekt në shëndetin tuaj.
Masa paraprake
Prishja e dhëmbëve mund të parandalohet duke limituar konsumimin e Coca Colës dhe pijëve të tjera të freskta. Këshilla jonë është pijet e feskta t’i pini me shkopinjë për të zvogëluar kontaktin me dhëmbët tuaj. Pastrimi i dhëmbëve duhet të bëhet menjëherë pas konsumimit për të ndaluar njollimin dhe për të neutralizuar acidet.
Tani çdo njeri është i zënë duke u përgatitur për vitin e ri. Këtu në zyrën tonë të Klinikës Gjermane të Dhëmbit, ne gjithashtu jemi duke i përpunuar listat tona të qëllineve për Vitit e Ri 2016.
Çfarë është në listat tuaja? Më shumë ushtrime? Më shumë kohë për t’u çlodhur? Një hobi tjeter? Çfarëdo që të jetë, ne duam të ju sygjerojme që ju të shtoni më shumë vizita të rregullta për mirëmbajtjen e higjenës tuaj Dentare. Edhe nëse nuk keni shumë pllakaza apo gurëz kur i pastroni dhe kujdeseni vet për dhëmbët tuaj, ju ende mund të keni një sasi të caktuar të bakterieve mbi dhëmbët tuaj. Dhe këto bakterie duhet kontrollohen me rregullsinë për të parandaluar sëmundjet e mishit të dhembeve dhe problemet e tjera shëndetësore. Tani më shumë se kurrë, shkenca është duke zbuluar lidhje të qarta dhe të drejtpërdrejta në mes të shëndetit oral dhe shëndetin të përgjithshëm të trupit.
Këtu kemi mbledhur disa keshilla se si të bëni shëndetin tuaj dentar pjesë e ndryshimit në Vitit e Ri dhe si qëllim tuaj kryesore të keni një buzqeshje të bukur.
- Vazhdoni me pastrim dhe kontrolla të rregullta. Sa më shpesh që shohim dhëmbët tuaj, më shumë jemi në ngjarje dhe do ta kemi më lehtë të kapim probleme si: sëmundjet e mishit të dhëmbëvë, kancerin oral, dëmtim të dhëmbëve, gjakderdhje etj. Sa më shumë që ruani dhëmbët aq më shumë do të ruani para!
- Nëse do të pini shumë verë të kuqe dhe kafe gjatë sezonit të festave, mbani në mend se këto kanë veti të errësojnë dhëmbët. Konsideroni të caktimoni një termin për zbardhje dhe pastrim të dhëmbëve pas pushimit në mënyrë që të ktheheni formën dhe pamjen e duhur.
- Hani vetëm në kohë te caktuar. Pse? Për rreth 20 minuta pasi ju të pini ose hani diçka, sidomos ushqime me sheqer apo bonbon, goja juaj është nën sulm. Nëse provoni të hani meze të lehtë gjatë gjithë ditës, dhëmbët tuaj do të jenë të ekspozuar për të dëmtuar shumë më gjatë se sa duhet të jenë! Mundohuni të ushqeheni çdo herë në të njëjtën kohë dhe përpiquni të zgjidhni gjëra që nuk janë ngjitëse ose të forta.
- Mos harroni se sheqeri mund të ketë efekte shkatërruese në dietën tuaj, dhe nuk është i mirë as për shendetin dentar. Në vend të ushqimeve dhe pijeve me sheqer ose sasi të lartë të karbohidrateteve (të cilat gjithashtu shndërrohen në sheqer dhe bakteret të ushqyeshme), provoni ushqimet me shumë proteina, kalcium, fosfor si dhe arra, pulë dhe djathë. Përfshini frutat dhe perimet në diten tuaj përshkak të përmbajtjes se tyre të ujit dhe vetive pastruese të dhëmbëve.
- Mos u bëni dembel për higjienën ruaj rutinore në shtëpi. Sigurohuni që të lani dhe pastroni dhëmbët me pe dy herë në ditë, ose edhe më shpesh nëse hani me shumë. Dhe mos harroni se shëndeti juaj oral ndikon në shëndetin e tërë-trupor.
Nëse keni ndonjë pyetje apo shqetësim, ju lutem telefononi në nr tonë 038 51 88 44 ose na shkruani në [email protected].
Vizitoni Kliniken Gjermane të Dhëmbit. Kontrolla dhe konsullta është pa pagesë. Ne jemi këtu për të ndihmuar miqtë tanë qe te kene shëndet me të mirë dhe buzëqeshje më të bukur në vitin e ri 2016.
Dhëmbët e pjekurisë – Seti i fundit i dhëmballave
Dhëmbët e pjekurisë janë njejtë sikur dhëmbët e tjerë, përveç që ata janë të fundit që rriten në gojën tuaj. Ata shfaqen diku në mes të fundit të adoleshencës dhe në mes të-njëzetave. Nuk janë quajtur dhëmbë të pjekurisë për arsye se ju bëjnë juve më të pjekur, por sepse ata vijnë zakonisht në një kohë kur një person ka arritur niveli e pjekurisë që do të duhej të ndikonte në rritjen e nivelit të mençurisë. Sipas disa studimeve të fundit, shpjegohet se truri mbase do të mund të arrinte pjekurinë e plotë rreth kohës kur dhëmbët e pjekurisë fillojnë të dalin.
Pse duhet të dini për dhëmbët e pjekurisë?
Ata shpesh keqkuptohen. Varësisht se sa shpesh janë të keqkuptuar ata mund të dëmtojnë dhëmbët tjerë afër tyre, nervat, madje edhe nofullën. Dhëmbët e pjekurisë mund të jenë të ndikuar gjithashtu. Kjo I referohet atij rasti kur ata gjenden ende nën mishin e dhëmbëve apo pjesërisht e dëmtojnë sipërfaqen e mishit. Dhëmbët e pjekurisë që janë pjesërisht të dukshëm shkaktojnë dy probleme të mundshme. Hapjet në mishra mund t’a bëjnë më të lehtë depërtimin e bakterieve brenda kështu duke shkaktuar infeksion. Ata mund të jetë e vështirë ti arrini edhe gjatë pastrimit të dhëmbëve, gjë që i bën ata lehtë të ekspozuar ngaj prishjeve dhe infeksioneve.
Këshillimi me dentistin do të ju ndihmojë që të gjeni opsionet e e mundshme për tejkalimin e problemit. Është e pazakontë për dentistin të heqë dhëmbët e pjekurisë para se ata të paraqesin ndonjë problem për ju. Procesi I trajtimit dhe shërimit është shumë më I lehtë tek pacientët e rinjë sesa tek më të vjetrit. Dentisti mbase do të zgjedhë që kohë pas kohe të bëjë ekzaminimin me rreze X në dhëmbët tuaj të pjekurisë dhe thjeshtë të mbajë nën vëzhgim zhvillimin e tyre. Në disa raste, ai mund të ju rekomandojë të shkoni tek kirurgu oral për kontrollë të mëtutjeshme.
Ekzistojnë dy raste nëse dhëmbët e pjekurisë duhet të hiqen:
- Nëse dhëmbi I pjekurisë është komplet I ekspzuar, mund të hiqet në mënyrë të njejtë sikur hiqet çdo dhëmb tjetër.
- Nëse dhëmbi i pjekurisë është nën mish (komplet apo pjesërisht), një prerje apo operim I vogël është I nevojshëm. Kjo zakonisht bëhet nga kirurgu oral. Ai mbase do ta bëjë heqjen e dhëmbit në pjesë të vogla sesa të gjithin përnjëherë, në mënyrë që të zvogëlojë heqjen e kockës.
Heqja e dhëmbëve të pjekurisë kalon në disa hapa:
- Hapsira ku gjendet dhëmbi do të marrë një anestezion lokal.
- Varësisht nga preferencat tuaja dhe kompleksitetit të heqjes së dhëmbit, dentisti juaj mbase do të ju japë dhe ca sedativë, në mënyrë që të ju ndihmojë të ndjeheni të relaksuar. Ekzistojnë nivele dhe metoda të ndryshme të sedativëve varësisht nga niveli I nervozës tuaj. Nëse gjendja juaj kërkon nivel më të vogël atëherë nuk do të keni problem të shkoni vetëm në shtëpi, në të kundërtën nëse gjendja juaj kërkon nivel më të lartë sedativësh atëherë bëni mirë që të keni dikë që ju shoqëron deri në shtëpi.
Në Klinikën Gjermane të Dhëmbit kryhen të gjitha heqjet e dhëmbëve përfshirë edhe dhëmbët e pjekurisë. Heqja operative e dhëmbëve zakonisht bëhet në kushtet normale të klinikës, mirëpo për raste më të ndërlikuara I kryen kirurgu oral që është I specializuar për këtë fushë.
Nëse keni probleme me dhëmbët e pjekurisë apo thjeshtë keni nevojë për një dentist profesional që të ju këshillojë se çfarë të bëni, drejtohuni në klinikën tonë. Opsione të ndryshme trajtuese dhe shëruese ofrohen për të gjithë pacientët nga dentistë profesionistë.
Dhimbja e dhëmbit shpesh mund të shkaktohet nga irritimi i nervit të dhëmbit, por ekzistojnë edhe shkaktarë të tjerë të shumtë që ndikojnë në dhimbje. Infeksionet dentare, prishja e dhëmbëve, pllakëzat bakteriale, dëmtimet e dhëmbit, kurorat apo mbushjet e bëra dobët. Ka raste të ndryshme kur dhimbja e zhvilluar jashtë nga dhëmbët të ndikojë në gojën tuaj dhe të japë përshtypjen sikur keni dhimbje dhëmbi. Kjo shpesh ndodhë kur keni problem me nofullat, veshtë, sinuset dhe/apo muskujt. Herë pas here, problemet e zemrës mund të japin gjithashtu ndjesinë e dhimbjes së dhëmbit.
Shkaktarët e dhimbjes së dhëmbit
Dhimbja e dhëmbit dhe e nofullave janë ankesa të përbashkëta. Nuk është e pazakontë që njëra të ndjejë dhimbje të butë nga presioni dhe ekspozimi i dhëmbit ndaj të nxehtit apo të ftohtit. Megjithatë, në qoftëse dhimbja është e rëndë dhe vazhdon për më shumë se 15 sekonda pas presionit apo ekspozimit ndaj temperaturës, atëherë ky mund të jetë një indikator për një problem më serioz. Nëse ka inflamacion të rëndë të dhëmbit, dhimbja mund të kalojë në faqe, vesh ose nofulla. Shenjat dhe simptomat që mund të ju dërgojnë tek dentisti janë si në vijim:
- Dhimbje gjatë përtypjes
- Ndjeshmëri ndaj të ftohtit ose të nxehtit
- Gjakosje apo pëlcitje rreth mishit të dhëmbëve
- Ënjtje rreth dhëmbit apo e nofullës ose faqes
- Dëmtim apo traumë në atë pjesë
Këto shenja dhe simptoma janë zakonisht të ndërlidhura me prishjet e dhëmbëve apo sëmundjeve të mishit të dhëmbëve. Prishja e dhëmbit apo ndonjë pjesë e skuqur rreth mishit të dhëmbit mund të na tregojë për arsyen e dhimbjes. Nëse shtypni/prekni dhëmbin e infektuar, dhimbja mund të bëhet më e ashpër. Kjo shenjë mund të na tregojë për problemin e dhëmbit edhe nëse dhëmbi duket shumë normal.
Dhimbja e dhëmbit – Diagnostifikimi dhe trajtimi
Një histori mjeksore dhe ekzaminimi fizik zakonisht mund të ndikojnë në diagnostifikimin adekuat. Shpesh herë radiografitë, zakonisht duke u referuar rrezeve X, mund të përdoren njëkohësisht me mënyra të tjera ekzaminimi. Herë pas here, ekzaminimi laboratorik përfshirë EKG-në e zemrës mund ti ndihmojë doktorit. Kjo pasiqë, në rast se porblemi është diçka tjetër përveç dhëmbit apo nofullës, doktori mund të përshkruaj medikamentet e nevojshme për problemin e gjetur. Nëse rasti është më serioz, doktori do të i’u referojë të shkoni në spital për kujdes dhe trajtim të mëtutjeshëm.
Nuk duhet të prisni që dhimbja të ashpërsohet dhe kështu të vije deri tek zhvillimi I sëmundjes periodontale. Për këtë arsye, vizitat e rregullta tek dentisti ndihmojnë në parandalimin apo shërimin në kohë të sëmundjes dhe kështu edhe qetësi nga dhimbja e dhëmbit. Dentistët profesionistë që janë të angazhuar në Klinikën Gjermane të Dhëmbit do të ofrojnë kujdesin dhe trajtimin e nevojshëm për çfarëdo problemi me dhëmbët tuaj ku si pasojë e tyre vuani nga dhimbja e dhëmbit. Lirohuni nga dhimbja duke u trajtuar në klinikën me dentistët më të mirë në Prishtinë.
Çdo ditë e më shumë njerëzit paguajnë para për dhëmbë shkëlqyes dhe më të bardhë. Por a funksionon dhe a është e sigurt zbardhja e dhëmbëve? Këtu mund ti gjeni përgjigjet e pyetjeve të zakonshme që pacientët mund ti kenë.
Çka është zbardhja e dhëmbëve?
Zbardhja e dhëmbëve përfshinë zbardhimin e dhëmbëve tuaj që ata të jenë më të shëndritshëm. Zbardhimi I dhëmbëve nuk do t’u japë atyre një zbardhje briliante, por mund të ndryshojë ngjyrën tuaj të tanishme në shumë nuanca më të bardha.
Kush mund të bëjë zbardhjen e dhëmbëve?
Zbardhja e dhëmbëve është lloj I stomatologjisë që duhet të bëhet vetëm nga ana e dentistit apo ndonjë specialisti tjetër të stomatologjisë, siç është specialisti I higjienës apo terapeuti dental, me rekomandim të dentistit. Disa sallone të bukurisë ofrojnë zbardhje të dhëmbëve, por është ilegale nësë asnjë dentist profesionit nuk është prezent, gjë që mund të krijojë rreziqe për shëndetin tuaj oral.
Çfarë ndodhë gjatë zbardhjes së dhëmbëve tek dentist?
Nëse dëshironi të bëni zbardhje të dhëmbëve duhet të kryeni vizita sistematike tek specialisti I kirurgjisë orale. Dentisti do të ekzaminojë dhëmbët tuaj dhe të konstatojë nëse keni nevojë apo nëse mund ta bëni zbardhjen e dhëmbëve. Dentisti juaj do të ju tregojë nëse zbardhja e dhëmbëve bën për ju. Ka raste kur zbardhja e dhëmbëve nuk është e preferueshme p.sh në rastet kur keni sëmundje të mishit apo kurora.
Çfarë duhet ta pyesni dentistin para se të vazhdoni me zbardhjen e dhëmbëve?
Mos u frikësoni të pyesni dentistin për llojet e tretmaneve të zbardhjes, çfarë rezultate duhet të prisni dhe nëse ka garancion për punën e bërë të paktën për një kohë. Gjithashtu pyesni se cilat rreziqe mund të shfaqen në rastin tuaj, p.sh. rritja e ndjeshmërisë së dhëmbëve. Zbardhja e dhëmbëve nuk është e përhershme. Mund të zgjasë nga disa muaj deri në tre vite, por kjo ndryshon nga personi në person. Në përgjithësi, zbardhja nuk mund të zgjasë më shumë në rast se ju pini duhan, verë të kuqe, çaj apo kafe. Të gjitha këto mund të njollosin dhëmbët tuaj.
Pastrimi I dhëmbëve është mënyra më e lehtë që ti mbani dhëmbët tuaj të shkëlqyer, të bardhë dhe të shëndetshëm. Mirpo, nëse përsëri mendoni që dhëmbëve tuaj u mungon ajo apo se ata duken më të verdhë se sa ishin më parë, atëherë nuk jeni vetëm. Klinika Gjermane e Dhëmbit ofron këshillim solid, trajtim professional dhe buzëqeshje që do të ju bëjë të lumtur. Caktoni një termin sot, për dhëmbë më të bardhë çdo ditë.